麥當勞終於在金鐘開新店啦!

Picture都唔知係好消息定係壞消息。

好消息是久違了的麥記終於在金鐘海富中心地下地鐵出口(即現代美容舊址)開張。今早行過見到裝修的圍板已心感興奮!自從 PP 的麥記摺埋後一直在等,終於等到了今日!

要知道,我從細細個的時候都視麥記為一個開心的地方,每逢我朝早心情唔好時,只要去麥記食個早晨全餐(依家好似唔係咁叫)就成個人都會開心番晒!而如果我當日本來很開心,我便更會去食番個雙層芝士双堡去慶祝!之後我便會開心足一整天!

而且,金鐘食 lunch 好慘,又貴又唔好食。麥記的重臨會成區內最 value for money 的餐廳!(麥記應考慮找我做代言人!)

壞消息是我之後實變肥仔了!(我依家都肥,不過日後更肥!)
(source:logo 摘自麥記 website)

「準爸爸」的「有薪陪產假」?我又要!

根據一項調查結果顯示,大部分的「準爸爸」會在太太分娩前感到焦慮,又會擔心太太出現抑鬱,更會擔心未來經濟負擔加重。而且近七成被訪者擔心胎兒健康情況,六成則擔心太太懷孕時(過分)辛苦。換句話說,他們患的是「產前抑鬱症」,有別於太太的「產後抑鬱症」。

我唔明。是否當BB 一出來後,之前的問題就都水落石出、雨過天晴,故此他們不再抑鬱啦?又或是這些「準爸爸」 當 BB 出來後,做其「正印爸爸」後,注意力便去了 BB 處,所以不再擔心(或忘記擔心)太太辛苦和抑鬱了?難怪太太們這麼容易會有「產後抑鬱症」啦!

另外,調查結果又顯示九成受訪的「準爸爸」贊成設立「有薪陪產假」。我第一個舉腳贊成。舉腳,一來代表我「非常同意」,二來因為我現在左手抱著 jac jac,右手在打字(我用的是「縱橫輸入法」,只用右手便可),所以無手可舉,只好舉腳。不過太遲啦!法例通過時 jac jac 的細佬 or 妹(若我們決定有的話)可能都兩歲了!

但我又唔明。若果有人問你依家多了個理由可放 extra 有薪假,正常人照計都梗會(同我一樣)立即 say yes,理得佢乜原因!咁這個『九成受訪的「準爸爸」贊成設立「有薪陪產假」』的 statement 就廢廢地啦!我更唔明的是其餘那一成人為何會 say no 呢?抑或是他們作為一個香港人不慣有假放但又冇得去旅行呢(其實都得既,不過那「準爸爸」要自己去,或同豬朋狗友/二奶去!),所以寧願冇得放唔使煩?