寫食評被告誹謗!!

Picture
今天南華早報的頭版報導兩日前澳洲新南威爾斯省的高等法院判一份當地報章 Sydney Morning Herald 於 2003 年的一篇食評為「誹謗」!

Picture 據報當時 SMH 一位食評家 Matthew Evans 評一家叫 Coco Roco 的餐廳九分 out of 二十分,並謂這餐廳的食物難吃(如左圖),服務差勁,但價錢超貴!唯一的賣點是有個靚景。我同意這餐廳的景應該可以好靚,因為地點是身處於雪梨歌劇院附近的 Darling Harbour。至於食物、服務和價錢就無從稽考了。但有一點是肯定的,就是這家店子的裝修也是勁落本。何以見得?我在 Google Image search "Coco Roco Sydney",結果是一家室內設計公司的 profile 頁(圖片如下)。原來 "Coco" 和 "Roco" 分別是上下兩層不同但相類風格的酒吧和餐廳。見圖就知道當時的老細非常落本裝修了。

這也是整件案的中心。那餐廳老細說他花了三百萬澳元裝修(大概港幣二千萬左右吧!)。原本一向生意都唔錯(地點好嘛!)。但當這食評一出,據那老細講,當時立即流失了近三千名客人(條數點計就冇講),幾個月後仲執埋粒!蝕晒二千萬裝修費!

PicturePicture
PicturePicture

之後這份報紙要賠幾多俾個餐廳老細還要等法庭再判。但 Sydney Morning Herald 已擔心如果這些評論會被文事訴訟的話那仲有人敢寫食評、影評、樂評?

我的 Blog 亦也常寫很多食評影評評、書評… 若寫完後咁唔好彩那件野唔賣得,會否入我數?

Source:

(閱讀全文)