Dry Aged Beef @ ThreeSixty

本來並不常去 Elements(圓方),因為唔就腳。但近日有三個原因使我對她好感大增。第一,她的走廊闊落而且相對少人流(太高檔吧?),所以 Jac Jac 亂跑都唔怕撞到人。第二,八號幹線開了,由家直出尖西連 brake 都唔使踩!

第三,亦是本篇的主題,就是有間叫 ThreeSixty 的超豪有機超市,有賣 dry aged 牛扒。他們在賣扒的櫃位後面有個玻璃門的櫃,入面掛了一舊舊牛肉。如要將牛肉做 dry aging,一定要控制濕度和溫度。太暖,件扒會變壞;太凍,件扒又會結冰。所以根本不可能自己在家裡做。坦白講,我也是頭一次見到有超市會這樣處理件扒,所以立即買來試試。

Aged 完咁又會點呢?過程中因為水份被蒸發掉,再加上肉面的一些酵素作用,結果肉質會更嫩滑,肉味更香濃!加錢按重量計是貴一截(貴近兩、三成!),但因為較乾身,所以同樣大小的扒卻會更輕磅,所以其實差價並不如看上去般大。

大家可看看這些相片,肉色較深,血水較少,但肉紋甚有條理,一梳梳像沙田柚!

最後評語:會再買!