兩歲九個月的對話

兩歲九個月的 Jacob 前晚說了以下的三段話:

1)
「我依家兩歲九個月。我三歲既時候就大個仔啦!」我問:「咁三歲就會點樣呢?係咪唔飲奶奶呢?」「三歲就唔飲啦!」…… 然後幾秒後就後悔:「不如都飲啦!不過飲『杯杯奶奶』囉!」…… 並立即轉話題:「……而且呢,我就會好高好高,好似 Daddy 咁高啦!」

2)
「Daddy,我想你聽日倒後入泊車!」我欣賞佢小小年紀已有留意到這個分別,便問他為甚麼。他答:「倒後入泊車呢,走既時候快 D 丫嘛!而且你睇隔離架架車都係倒後入既!」我只好解釋給他知道前、後入各自的好處。然後他似懂非懂地答:「咁好啦!今日你用頭入。聽日先用尾入啦!」

3)
「Daddy,我想你生個 Jacob 出來。」我估他的意思是想有個可以一開始就識同佢玩的細佬。我再問他:「咁生多個佬定細妹好呢?」佢考慮了一會兒,然後答:「細妹都好啦!佢個名就叫 Shanny 啦!」過了一會他又說:「我自己都想生 BB 喎!」我解釋給他知道只有女孩子才可以生 BB,男孩子不可以,所以 Jacob 和 Daddy 都不可以。他發現自己冇得生 BB 後很不開心,嘴都扁晒,差點委屈到哭了出來!然後他側起頭,想了一會,便問:「Daddy 都唔可以咩?點解你個肚都好似媽咪咁大既?」

以一個兩歲幾的小孩來說,他真的諗好多野!