五師兄字

Jac Jac 語錄

小孩子的邏輯和創意真是難以捉摸。會使人啼笑皆非，亦會使人會心微笑。

事件一：

周末一家人在街外吃飯。到了中段，Jac Jac 耐性售罄，要落地玩。我便和他玩「手指人」氹他留低。

我用食指中指扮腳，在桌上通處遊走。行到他的水壺面前，說那是超級市場。他也很投入，和我一起興緻勃勃去 “Shopping”。

轉個頭，媽咪唔為意將那水壺拿開了，他便大嚷：「啊！超級市場呀！超級市場冇左 lu！」

我見狀便帶手指人找個另一個大水壺，說：「這也是超級市場，我地繼續買野啦！」

怎知他很認真地答：「呢個唔係超級市場，呢個係水水！」說完更拿起水壺在啜水，像是解釋給我看：『拿，daddy，呢個又點會係超級市場呢，明明係水壺黎既……』

事件二：

用完餐，我和他去男廁。中間那格企位較乾淨，我便抱他用中間那格。完事後，他指示我說：「daddy 痾啦！」好啦，都順便去埋啦！

為了容易控制他，我自己選了貼牆那格。而中間那格就有另外一個人進佔。Jac Jac 躲在我身後，伸了個大頭出來，對中間那格的用家說：「果個係我地架！果個係我地架！果個係我地架！」還加了一點敵意的眼光。

唔，係時候要教多 D 關於「公家」的概念給他知道了。

(by the way，右面兩幅近照與那餐飯沒任何干係。只是趁機會貼貼相而已。）