情色報,拆皇后碼頭,沈旭暉。

今日午餐過後,在煙橋上,兩個OL一面在互餵二手煙,一面吹水:


OL A: 「依家D大學生真離譜,人讀書佢讀書,佢地就讀到去搞咸報!」

OL B: 「係囉!D內容又四級又露骨!真賤格!大學教埋D咁既人出嚟,真係嘥鬼晒納稅人D錢!」

OL A: 「所以我話,再係咁落去香港真係冇得救!依家呢一代死靚仔,仲衰格過我地以前!正經野又唔識做,淨係識搞埋D唔三唔四既野!超低能!」

OL B: 「簡直係搞屎棍添啦!就好似果個碼頭咁,人地政府都話左要拆架啦!啱格!殖民地時代既遺物黎架嘛,梗係要鏟走佢啦!唔通擺響度俾D港英餘孽當墓碑咁拜呀?

吖吔!點知轉頭俾呢班死靚仔嘈下嘈下,依家又話變成一級文物咯!」

OL A: 「嗄?班死靚仔響個碼頭紮營之嘛,冇理由有咁大影響力個喎?!」

OL B: 「之但係響果個唔知乜古物委員會裡面新近加左班死靚仔入去,好似果個叫咩沈旭暉,死靚仔一名,講埋D咩野圖騰喎,都唔明既!我知!佢響度講D深到死既野扮大人之嘛!

聽講佢係中大架嘛!都唔明,呢D政府委員會都有搵學生入去做代表既咩?勁搞笑囉!」

OL A: 「沈旭暉?係就係中大,但唔係學生黎架!人地響中大教書架……」

OL B: 「唔係咁搞笑 ha fa!佢個樣得廿幾歲咋喎,又染金毛又著得in,都唔似教書佬既!」

OL A: 「信我啦!我細佬都響中大讀,上過佢堂,知道人地會考九條A,又去過乜野耶魯牛津之類咁,個人又靚仔又叻,仲同我同年,而且仲……」

OL B:
「咩話?你細佬響中大讀既咩?咁快D叫佢撻果份校報黎睇睇啦!聽講佢地講果D野既時候,講到女性主義抬頭定唔知乜,好似好勁咁,所以一定要睇睇!」

OL A: 「嗄?!頭先見你鬧晒咁,乜原來你都未睇過架?」

OL B: 「響東方太陽睇過都算睇過啦!不過唔係原汁原味,冇咁精彩吖嘛。睇你個衰款,唔通你又有睇過原文囉喎?」

OL A:
「梗係冇睇過啦!我都唔睇呢D衰野既!喂,唔好講呢D住。不如講番沈旭暉先啦!聽講佢……」

OL B: 「吖吔,唔講啦!支煙都食完咯,夠鐘啦!再唔返上去又被果個老姑婆鬧啦!拜拜!」

OL A: 「好啦,聽日再講啦!拜拜!」

(完)


(以上對白純屬虛構,如有雷同,實屬不幸!)

Reference:

中大學生報情色版事件:
sidekick:Sidepicks 070511: 中大學生報情色版事件
映雪:中大學生報
陶傑 – 星期天休息:不過是兩個小孩把玩著一桿獵槍
中大學生報網上版:http://www.cusp.hk/
中大學生報部份原文畫面(明報):http://www.mingpaonews.com/doc/cupaper/

皇后碼頭列一級文物建築:
皇后碼頭生死戰 原地保留成焦點(文滙報):http://paper.wenweipo.com/2007/05/10/YO0705100004.htm
古物諮詢委員會成員名單:http://www.amo.gov.hk/b5/antiquities_membership.php

沈旭暉:
這雙手雖然小: 沈旭暉之二
明報:《沈旭暉遊戲人生》
香港教育學院社會科學系:Associate Professor Simon Xu-hui SHEN

One thought on “情色報,拆皇后碼頭,沈旭暉。”

Tell me what you think!