五師兄字

《五師兄字》iPhone app

貪得意，學人在 MotherApp 為《五師兄字》弄了個 iPhone app 來玩。作為一個 iPhone 擁護者，就算這個 app 只得一個 download（就是我自己）也沒所謂，就當是留念吧！

Click on the link below to launch iTune Store in PC/Mac/iPhone
http://itunes.apple.com/hk/app/id349930410?mt=8

這 MotherApp 代製的 app 有甚麼特別呢？其實它只是將我的 RSS feed 注入一個 app，效果不會好得過在 iPhone 上的 Safari（如右圖）直接用 reader.mac.com/mobile 來看很多。唯一的進步是有分段和有圖，但沒有連結和其他效果。

問題是，如果訪客直接在 Safari 登入 http://ngszehin.net，結果會看到比這個 app 更漂亮的 WordPress mobile 版（如下圖）。功能更齊備之餘，更連閱讀/回覆留言也可以。（本 app 卻沒/未有此功能。）

倒完自己米，也要說說這個 app 的存在意義。最大的賣點其實是它會預先下載內容於 app 內，每次登入時只需更新未下載過的資料。好處是可以離線閱覽近期的文章（不過因為這樣，首次登入時需時頗久，因為要一次過下載頭十幾篇文章和其附圖）。而且 WordPress mobile 版只懂顯示自行預設的 thumbnail，但 MotherApp 就懂自動拿文章的第一圖來顯示。

唔，想到的賣點就此而已…… 不過，大家不用信我講。你們仍可考慮下載來看看，印証一下我的評語，又或者找 MotherApp 弄一個 app 俾自己！（By the way，今日才知，原來 MotherApp 是一家香港公司。）

回《蘋果批》

Dear 蘋果批：

~ 回應《值得一讀…》一文 ~

終於能被蘋果批青睞點評真是榮幸啊！而且，也得讚讚你們的氣量，被我借題發揮寫了幾篇才終於出手還擊，已算是不太小器。

我本來不想回應。但又卻真的怕有學生錯 click 入黎，見我唔答，以為我冇 guts 唔緊要，最驚就係教壞多佢地一次。

所以我想講，唔好意思，要攪到你地咁勞氣。其實，我篇文真係只係想同我的學生溝通，我的讀者很少，而且大部份都只是我的學生和友人（同蘋果四十萬普羅大眾冇得比！）。我上堂有教甚麼是 Bloom’s Taxonomy，而且正是明天星期五要交的功課要寫的 topic，所以只有 link 而省卻了詳細解釋。對其他冇上我堂的人帶來的不便，本人深表遺憾。

至於其他你用模仿手法寫的論點，我想我不用 comment，讀者怎樣 judge（和笑）是他們的自由。不過，這卻使我想起李天命與梁燕城的對答，真是有點意想不到。

到最後，得罪都要多講句（如果之前未算夠得罪的話），其實我從來冇當你是論文的水準去看。我說寫論文的，是我的學生，而不是你，也不是我。我只是想 comment 你的立論過程和思考方法（何以可以用你所提出的論點和例子推論出小班教學有問題）。這些思考方法是正常人都應有的，不用分論文還是漫畫還是一般人的正常思考過程。

另外，如果你真的想做一個公開論壇，就應該有做一個公開論壇的態度和氣量。學學你老友尹思哲對我坦白說 「I must admit there is some logic skip” within the article.」咪幾好！如果用你的手法說「有如此高質素的讀者，實在是蘋果批的福氣。」就只有真的趕客。到時你唔使驚有人鬧你，因為大家不會想睇咁樣態度的報紙。

唔好意思，我可能已講得太多。結果你可能都唔會詳細睇，而只會逐行拿出來再鞭屍多一次。不過我衷心真的希望蘋果日報可以是一個開明的傳媒。亦因為這樣我才仍會繼續睇（亦在這裡繼續回應）。如果你結果只是証明我這個希望是錯的，我會很遺憾，因為你會正式少了一個追隨你們十三年的讀者。

謝謝！

五師兄字

不吐不快，吐完鬆晒！

每一次想發牢騷的時候，總會想立即在 blog 上寫幾句，一來要記下「原來世間竟有如此荒謬滑稽之事」，二來純粹發洩。谷住谷住，遲早爆。

但只怪以前年少無知，一早將自己的身份公諸於世（還曾因此而沾沾自喜！），現在恨錯難返。轉頭見到遠房親戚（唔係講你！）、未教過的學生（也唔係話你！）以至唔同樓層的同事（都話唔係你咯！）撞口撞面都改用「五師兄」來招呼，甚至然後會陰陰笑地說：「he he，你果日講果個衰人，真係好鬼乞人憎呀呵？我都係至憎果亭野！！」

嗄？！死勒！我幾時講過？同埋係邊「亭」野呢？如果咁岩好彩（定唔好彩）佢睇得明我寫乜寫邊個都由自可（最多扮聽唔到或尷尬陪笑然後轉話題），最驚就是有人對號入「錯」座，然後無限上綱，咁就大件事……

總之，一句到尾，呢度已經唔係一個適合講壞話（甚至只是有方向性的牢騷）的地方。不過，話分兩頭說，我開呢個 blog 的原意，不論誰在看、有冇人看都好，都不是一個用作發放任何負能量的地方。尤其我想到最後我最上心的目標讀者其實只是未來的兒子們和未來的自己，那這些牢騷更不值得記下。

說到這裡，我其實目標已達。不吐不快，吐完鬆晒！吐左乜？冇所謂啦！

講完。

「冇人鍾意見到樣衰的人」

昨晚播完一套飛車舊片，今日再接再厲。

先此聲明，本片有助減肥。如果你現在正一邊吃著外賣飯盒一邊看的話，我勸你在按那白三角前停一停你的午餐進度。因為你可能會笑到噴飯，或者看完後會胃口全失，又或者會將飯盒掟向個芒到，罵我：「五師兄，乜你咁 low 咁無聊架！」。Either way，你都會食唔成餐飯……

此片是獲獎廣告 Dove Evolution 的變奏。一年前貼上 Youtube 到現在有個百萬人看過（和噓過）。我雖然不明它的主題是要大家戒煙戒酒戒暴吃，還是如它題目一樣想說：”No one wants to look at ugly people”，但最值得欣賞的反而是：它真的扮得很似本來 Dove 的那套片！

延伸閱讀：CampaignAgainstRealLife.com

請到精選文章欄看我其他熱門的文章。
如不想錯過我未來的文章，請按這裡訂閱本站 RSS

假如我不是男人

見到 R&E 和 MD 寫此題時，已計劃反串寫一篇。怎知果然有熱心的男士 MC 和大雄相繼努力接力。我當然不甘後人！
（右圖：劉青雲，摘自梁朝偉版《鹿鼎記》）

我的命題是延續我在 R&E 的留言：

假如我不是男人~

1. 我估我會是女人。
2. 而且我估我會是個靚女，因為我有很深的雙眼皮和很長的眼睫毛和豐厚的朱唇。
3. 不過上面（2）有個先決條件，就是同時間我條眉要冇依家咁粗，個鼻冇咁大，同埋冇肚腩。
4. 我亦唔應該再有肚腩，因為我會比現在更貪靚。



5. 不過上面（4）又未必成立，因為我應該會繼續為食，而且又繼續懶做運動。
6. 而且，我依家作為男人又唔係唔貪靚，但仍練有一舊腹肌。唔見得做女人會有很大分別。
7. 不過另一個角度睇，脂肪多，其實如處理得宜，即是說有「勁身材」的潛質，都好。
8. 我應該會很怕羞，很內向。其實我做男人都已經咁怕羞（？！），咁內向。做女人應該更甚。
9. 所以我應該會做一個老姑婆。一個很懶的老姑婆（唔知係雞先定係蛋先……）
10. 不過唔緊要。我估我唔會想生仔。或者說，我唔會夠膽生仔。
11. 我既意思唔係話女人拍拖結婚係為左生仔。但如果都冇諗住要有下一代，那做老姑婆都唔會有壓力。
12. 賺到錢，我可能會一個女仔（一個老姑婆）去旅行，幻想下異國情緣。但次次都會得個想字。
13. 反而次次都會食到變肥妹才回香港。
14. 我估我份工會係做公司高層的 PA（私人助理），而且會係好細心好體貼（但同時又好懶）的一個 PA。
15. 人工唔會太高，但夠錢俾我買靚野食和勁去旅行。
16. 而且應該有好多空閒時間寫 blog。
17. 個 blog 既名會叫做《PA 日記》 。
18. 我老細會好鍾意我，我亦可能會暗戀佢。但我唔會俾佢老婆憎我。因為我懂得低調。
19. 講到呢度，都係時候做番男人。其實諗落做男人好似真係著數過做女人……

延伸閱讀 ~

後記：《假如我是男女》後記

反串友盟：

原本是女~

1. 如果我是男生 101 ~ myblahblahblah（源頭）
2. 對號入座，如果我是男人101 ~ readandeat
3. 假如我是男人 ~ Mad Dog
4. 假如我是男人 ~ 嘉
5. 假如我不是女人 ~ nikita
6. 假如我是男人… ~ angeL
7. 假如我是男人 ~ lazybrenda
8. 假如我是男人 ~ 冬冬
9. 假如我是男人 ~ 逍遙小妹
10. 假如我是男人 ~ marcellabear
11. 假如我是男子 ~ Rosery
12. 假如我是男人 ~ Mavis
13. 假如我是男人 ~ Jenny
14. 假如我是男人 ~ Codey
15. 假如我是男人 ~ 孖瑩
16. 假如我是男人 ~ Leona
17. 假如我是男人 ~ EL
18. 假如我是男人 ~ Olive
19. 假如我是男人 ~ susu
20. 假如我是男人 ~ Busy Bird
21. 假如我不是女人．．． ~ nic
22. If I were a guy… ~ janice
23. 如果我是男人 ~ CR
24. 假如我是明日之星(男版)… ~ domotoiceko
25. 假如我是男人 ~ Maisy
26. 假如我是…玩意的啓示 ~ mouse

原本是男~

1. 假如我是女人 ~ Mugen C
2. 假如我是女人 ~ 大雄
3. 假如我不是男人 ~ 五師兄
4. 假如我是女人? ~ 新鮮人
5. 假如我是女人 ~ 黄德峻
6. 假如我不是男人 ~ 公園仔
7. 如果我是女人 ~ 陳奉京
8. 我會係你老母 ~ 電鋸
9. 如果我是女人 ~ 庫斯克
10. 假如我是女人 ~ tommyjonk
11. 假如我是港女 ~ ClubEddy
12. 假如我是一個女人 ~ leotsui318
13. 假如我是女人 ~ kelvinin642
14. 如果我是女生，我會… ~ 大腦電波
15. 假如我是女人 ~ 史提芬
16. 假如我是女人 ~ Kris
17. 假如我是女人 ~ blue
18. 如果我是女人 ~ 悟樂
19. 假如你/我是男/女人 ~ Middle
20. 假如我是一條女 ~ Pcheung25
21. 假如我是港女 ~ yan
22. 假如我是女人 ~ Guy
23. 狠批《假如我是男人》~ 安諾勿斯
24. 如果我是女生… ~ 逸之
25. 《假如我是女人》~ hystericireul