Tag Archives: performance

如何做出好成績?

在學業、職場上做不出成績,往往會是甚麼原因?是天資不夠?未盡全力?還是沒有毅力?

下面的圖很簡單道出「好成績」的四大條件:1.有冇能力做,2.想唔想做,3.知唔知要做D乜,4.環境容唔容許去發揮。頭兩項是內在問題,後兩項是外在問題。

通常老闆、老師會怪你頭兩項。你就往往會用後兩項來做藉口。其實四樣野都可能關事。如果你俾老闆鬧甚至因而被炒,唔使怪晒自己(當然亦唔好怪晒人地)。

又,延伸《因材施教有乜唔岩?》一文:學校的測驗、考試、升班的評核標準永遠都只是集中去測試第一項「有冇能力做」。至於「想唔想做」就看學生自己的造化。學生讀唔成書,老師首先會覺得是那學生天資的問題。就算是後來發現學生天資不錯但只是冇心機,老師都不會(亦可能不懂)motivate 學生。甚至其實很多老師不會認為 motivate 學生是老師責任的一部份。更大鑊的,是有些老師的教學、溝通方法甚至在「de-motivate」學生而不自知!至於要使到學生清楚學D乜和提供良好的學習環境就更加是學校、家長的責任,但就更少被用作解釋成績差的原因了。有幾可會見到學生考試成績差時老師會怪自己出卷唔清楚或者家長會怪屋企麻將聲太噪?