五師兄字

東京六天瘦身遊之三：Running Chester and Standing Jacob

見到不斷疾走、追都追唔到的 Chester 和唔願行唔願郁、常常嚷著要抱抱的 Jacob，你就可以幻想得到為何我稱這次旅行為「瘦身遊」了！

（攝於六本木 Hill、六本木 Midtown 與御殿場平和公園）

Chester & Popcorn

The Pianist (Part III)

More on “The Pianist”:

推車仔

繼續貼圖

冬菇頭男孩

手拖手

Photo taken by iPhone.

巴斯光年之終結者

有圖有真相

打完大佬爆完機後，Jacob 仍是一臉茫然，未能定過神來。究竟他如何可以拿到九十九萬九千九百九十九分這個終極分數，至今仍然是：一個謎。

兒童的煩惱

天真的童言真是百聽不厭。

有天 Jacob 告訴我們他在學校有點煩惱。我們趕忙關注一下。他答：「我既同學甲成日要同我玩！」

我們問：「你唔係話過同學甲係你既好朋友黎架咩？」他答：「係！不過佢成日都要拖住我隻手，去邊都要扯埋我去！有時我唔想玩果樣野，咁佢又都要拉住我喎！搞到我冇得自己揀想玩既野來玩！」

「咁你點算呢？」「咁我咪走囉！不過好彩我走得好快！所以佢捉唔住我囉！」

「咁你另外果D朋友呢？例如同學乙？」「同學乙都係咁架！都係要捉住我玩！」

「咁咪岩囉！你地可以三個一齊玩架嘛！」「但係問題係佢地兩個都想捉住我同一隻手呢！」

「嘩！你俾人爭咁厲害！咁朋友丙呢？唔見你提起佢既？」「朋友丙都好，不過要朋友甲唔爭住同我玩既時候佢先有得同我玩囉！」

「下！咁佢都好慘喎！無端端朋友甲又唔會想放手既呀呵？」「係呀！所以都係朋友甲病左唔返學既時候同學丙先會同我地玩架！」

「咁其實晌學校裡面你最想同邊個朋友玩呢？」「朋友乙囉！」

「但你走得咁快，朋友乙捉唔住你架喎！」「係呀！所以我會特登走慢D，等佢可以捉到我囉！佢係我朋友黎架嘛！」

（註：甲乙丙三人，只有乙是女孩。）

一對好朋友

同場加映：
初次見面，
互相追逐。

自家製 Pizza

自家製 Pizza 簡約食譜：

批底 ~ 先將大概三茶匙 dry yeast 和少許糖溶於一杯大概 40C 的溫水中。將三杯半麵粉（如用高筋麵粉，會較脆）和少許鹽放進大 bowl 中，然後慢慢分段加進溫水。搓混。再加兩湯匙橄欖油。將其搓成波狀，在溫暖環境下發酵一個鐘。橄欖油的作用是來使批底變脆。沒有橄欖油的話，乜油都得。（傳統的意大利 pizza 甚至會用豬油！）

批頂 ~ 先搽茄羔，再落碎 Mozzarella cheese，再加自己喜歡的料（如火腿、Pepperoni、菠蘿、牛油果、車里茄、青紅黃椒、黑欖等）。磨菇會出水，遲點落為妙。

焗 ~ 放批於 pre-heat 的 pizza stone 上在焗爐用大概 230C 焗 10~15 分鐘。其間會見到 Mozzarella cheese 會溶為一起，而且批邊會脹起。最後香味溢至，即成。

食評 ~

1. 我們用了註明是用作弄 pizza 的麵粉，但質地很怪（見下圖）。而且，我們先落水後落粉，水份控制不好，所以粉團太濕了。
2. 粉團太濕其實對於最後製成品的味道、口感似乎沒有太大影響，只是搓皮時很難成形（也做不到將批皮向天拋的表演）。
3. 那些 Mozzarella cheese 超好味，又好玩（Jac Jac 玩「拉絲」），但勁肥。下次一定要用低脂甚至是脫脂。
4. 車里茄、青紅黃椒、磨菇等對味道冇乜貢獻，反而菠蘿和黑欖就不錯。火腿最好有咁薄得咁薄，如果唔係就會成塊甩出來。
5. 我相信那 pizza stone 是超重要的。但這只是一個估計，因為我們沒有這東西。我們傻瓜地分別試過用錫紙、牛油紙來墊底，結果，黐到阿媽都唔認得。要逐忽搣返出來才可以吃。如果放在 pizza stone，個批底就會又脆又唔會黐。但唔知香港邊度有得買。
6. 好唔好食？你睇臨尾 Jacob 的食相便知啦！

BB相

很久以前貼過一次，現在找多一幅來重貼。你話似邊個多D呢？

草地（三）Ball

草地（二）Chester

草地（一）Jacob

同時愛上兩個人

原來「同時愛上兩個人」與「一腳踏兩船」不是同一樣東西。

雖然從沒有如此的經驗，但在我一向的認知當中，愛像一瓶甘露，如要再分給另外一個，原本的人便拿不到全份。一腳踏兩船的技巧是如何將自己「分割」給兩個人而不反艇。

或者是一段感情正慢慢淡出的當兒，剩餘的能量又逐步燃起另一團新火。又或者是同時兼職對待兩個目標。

總之，沒有一個可以得到一個完整的心。沒有人可以同時打兩份正職。起碼我一向都是這樣想。所以我認為趙敏周芷若其實都未算能得到張無忌的真愛。有七個老婆的韋爵爺其實也只愛雙兒一人。

但原來這想法是錯的。愛原來可以是無限大，可以是 “Abundant Resources”，像陽光。曬太陽的人不會埋怨躺在旁的人分薄了陽光吧？

有這個發現，因為我有兩個仔。輪流望著他們，我分不出先後，分不出次序。我對他們的心，不會被攤分。最妙的，是他倆行為、性格、樣子、喜好都是截然不同，但卻都是我的至愛！（註）

註：相信同樣的解釋若出自一個男仔口中，一定會被（兩個女仔是但一個）括其耳光！

新髮型

其實 Chester 的髮型沒有變，和之前差不多，只是剪得那前陰更齊，更似小女孩。至於 Jacob，那才真是一個大突破！

香港歷史博物館

This is where we when during the past weekend: Hong Kong Museum of History (香港歷史博物館)

喂喂喂，搵邊位？

Chester 在玩電話：

Jacob 見我在影相，便親近 Chester 擺靚靚舖史，怎知 Chester 唔領情……

去廁所

Chester 如一般一歲外的小孩一樣，日常會發的音通常是一語多義。例如：「mum mum」– 泛指一切吃得的東西，如餅、飯、奶或肚餓，「鴨鴨」– 泛指一切動物，如沖涼時的朋友 yellow rubber duck、樓下養的貓仔、街邊見到的狗仔，「Ma Ma」– 通常是用來叫喚母親，但間唔中用來叫我。

但亦有些字詞是專門一點，如「Oak Oh」是在有東西掉落地上時，他低頭懷緬那失落的物件時所發的聲音。又例如「冇」（加上攤開上掌和一個O咀）就即是代表「冇」。「Ng Ng」是代表開大大。

還有很多意思是用動作來表達。如他會用右手的食指去督左手的手掌，意思是在做 Itsy-Bitsy Spider 的動作，亦即是想我們播歌過佢聽。

但昨日他卻有一個大躍進：他竟然說「去廁所」三字！還對著廁所手指指！是撞彩還是真堅，那就有待多幾天觀察才可作準了。

By the way，兩年半前也記載過 Jacob 同期的詞庫表。似乎他倆是各有所長：Jacob 愛說話，Chester 手腳快！

（下面兩張插圖是他在房中回望見到他心愛的波波轆過時驚訝的表情，與本文內容無關，只是用來點綴而已。）

BBQ Gathering